Nang jan ki sngi sha ka Cross Country ha Jowai

Syllad | The Rising MeghalayaDecember 12, 2024

Ka jingpynkhreh iaka jingmareh Cross Country kaba pynlong da ka National People’s Party (NPP), Iawmusiang Unit kala nang jan bad la khmih lynti ba kan long kaba shongshit namar ba ki nongshimbynta na kylleng kila pynrung kyrteng ialade ban iashimbynta.

Kane ka jingmareh kan long haka 21 tarik Nohprah 2024.

Ka mat pdeng jong kane ka jingmareh Cross Country ka long “Say No To Drugs” bad kan sdang haka por 6:30 Am na Lad Nangbah ban iaid lyngba ka surok bah haduh Jowai bad yn pynkut ha madan Jrisalein, Chutwakhu, Jowai.

Ka khusnam iaki lahduh ka long T.10 hajar, ba ar T.5 hajar bad ba lai T. 3 hajar.

Na kaliang NPP Iawmusiang Unit ka khot wer ia baroh ki nongshong shnong ka rilum Jaintia ban wan snohkti lang ha kane ka jingmareh thong ban pynsngewthuh ia u paidbah halor ka jingsniew u drok na ka bynta ka imlang ka sahlang.