Nang pynkhlaiñ ka JSM ïaka tnad treikam; pynkha ïaka JSM- Pamra Sohkymphor Zone

Syllad | The Rising MeghalayaApril 11, 2019

KHLIEHRIAT: Ka Jaintia Students’ Movement (JSM) katba nang mih ki sngi ka nang pynkhlain shuh shuh ia ka lyngkha trei jong ka da kaba ka la ioh ban pynkha sa ka wei ka tnad treikam jong ka ia ka ba la tip kum ka JSM- Pamra Sohkymphor  Zone.

Ia kane ka tnad treikam ba thymmai  jong ka JSM la ioh ban pynskhem ha ka 9.4.2019 da u President Rangbah ka seng u Ma Leningstar Rymbai.

Ia ka jingialang la pyniaid da u Vice president ka sengkmie u Ma Deijuhhi Siangshai, la ioh ruh ka jingkren na u President ka JSM East Region Ma Shnalad Rymbai bad kiwei.

Ki nong kit kam jong ka JSM- Pamra Sohkymphor  Zone: 

• President Teiborlang Siangshai
• Vice President Fedrick Siangshai
• Generally Secretary Pynthymmai Siangshai
• Education Secretary Hao Dkhar
• Publicity Secretary Deibormi Siangshai
• Sport Secretary Kmenlang Siangshai
•  Assistant Sport Secretary Letmi Siangshai
• Information Secretary Riki Siangshai
•  Assistant Information Secretary Tyrpas Siangshai
• Bad la jied ruh san ngut ki  Member

U President JSM u Ma Leningstar Rymbai ha ka jingai jingkren jong u, u kyntu ia ki dkhot jong ka ne ka tnad treikam ba thymmai ba  kin long ki ba shakri hok ia ki paidbah jong kane ka thain namar kum ba long mynta shibun ki jingeh ba ki paidbah ki iai kynduh ba kynthup na duh Pamra, Sohkymphor bad shaduh Byrwai.

Kumta da ka jing don kane ka tnad treikam ka JSM  ha kane ka thain kan long ka jingkyrmen ia ki para jaitbynriew ki ba kynduh shibun ki jingeh ha ka liang baroh.