Nangjur ka jingkynniuh na ka jingorpait ka jingkieng Umpasu hajan Sunapur

Syllad | The Rising MeghalayaJanuary 22, 2022

Ka jingkynniuh ka jingkieng Umpasu kaba don haka shnong Sunapyrdi, hajan Sunapur, East Jaintia Hills District kala nangjur katba nangmih ki sngi bad kane kalah ban pynthud iaka iaid ka ieng ki kali haka surok bah National Highway 6, kaba pyniasoh iaka bun tylli ki jylla.

U syllad.com uba la hiar sha kane ka thain ula ioh ban iakren bad u Superintendent of Police East Jaintia Hills Jagpal Singh uba la hiar jurip ia ka jinglong jingman katei ka jingkieng ha Umpasu haka sngi Palei.

Ula ong ba ka jingwan jurip jong u ka long ban wad ki lad ban weng iaki jingeh shipor ban suk ki kali rit ban iaid namar ka jingshna iaka jingkieng kan shimpor haduh kumba 30 sngi eiei.

Haba kylli, ula ong ka jingkieng nar kaba rim kaba don ha syndah kane ka jingkieng ruh lah ban pyniaid iaki kali rit shipor.

Kumban shu kynmaw, u Deputy Chief Minister ba dei khmih iaka PWD (Roads) Bah Prestone Tynsong ula dep bthah iaka National Highway Authority of India (NHAI) ban maramot noh ia kane ka jingkieng haka jingialang ka NHAI bad PWD kaba long haka 5 tarik Kyllalyngkot.

Kane ka jingkieng kaba jrong kumba 100 metre la tei da ka BRO ban pyniasoh ia ka jylla bad iaka Assam (Lower Assam), Mizoram, Tripura bad Manipur.