National Youth Day: Pynshlur u DSO Jowai iaki khynnah skul ban shim iaka jingialehkai kum ka kam

Syllad | The Rising MeghalayaJanuary 12, 2021

Ka Ophis u District Sports Officer, West Jaintia Hills District kala rakhe iaka National Youth Day haka sngi ba Ar ha Kiang Nangbah Indoor Stadium, Ladthadlaboh ban kynmaw burom iaka sngi kha u Swami Vivekananda.

Ka jingrakhe iaka National Youth Day kadei na ka bynta kyrsiew kyntiew iaki samla ba kin bud ia ki nuksa jong u Swami Vivekananda ha ka jingim, ka rukom pyrkhat, bad ki nongmuna jong ki riew khraw kynthei bad shynrang kiba pynlong ia ka India kaba khraw.

Ha Jowai ka ophis u DSO, West Jaintia Hill District kala pynlong iaka jingai jinghikai halor ban iada ialade naka jingkyrni haka dih drok, ban bam iaki jingbam ba tei iaka met bad halor ka rukom pyrkhat pyrdain ban ioh iaka rukom pyrkhat kaba koit kaba khiah bad ban iarap bad ban sngap iaka jingeh ki paralok ban ioh ai jingiarap.

U DSO ma Khroobok Passah haba kren ula ong baka jingrakhe ia kane ka sngi kalong kaba kyrpang khnang ba ki samla kin bud iaka nuksa bad ki nongmuna u Swami Vivekananda ban wanrah iaka jingkylla haka ri bad ka thain da ki kam bad ki sap ki phong jong ngi. Ula ong ka tnad sport kala pynlong ia kane ka prokram ban pynshlur iaki samla ha ka kam ialehkai namar baka kam ialehkai kadei ka kharkhana kaba ai kam ai jam ban ioh ieng hala ki jong ki kjat.

Ki riew shemphang kiba la wan ban ai jinghikai ki kynthup iaka ka  kong S kyndiah n aka ICDS Office, Ka  Diana  Tongper na District  Mental  Health  bad ka Kong  Lucy  Ksoo napoh  SCOPE  Foundation  kabatai  shaphang  shaphang  ka  jingktah  jong  ki  jingdih  pynbuaid bad  kilad  jingiarap .

Ha kane ka sngi la shimbynta da ki khynnah skul na ki skul bapher bapher bad la sam ruh iaka syrnod iashimbynta.