Nga dei tang u nongkyrshan u Stephanson Mukhim wat kynnoh khlem nongrim ong u Prakash ia u Rymbui

Syllad | The Rising MeghalayaFebruary 19, 2023

U Prakash Phawa uwei na ki nongkyrshan jong u ma Stephanson Mukhim ula pynrem jur iaka jingkynnoh kynta u ma Lahkmen Rymbui pyrshah ia u ha ki jingialang ialap elekshonkaba long haka shnong Mustem haka sngi Palei.

“Nga dei tang u nongkyrshan jong u Stephanson Mukhim kyrtong ka NPP bad ngam dei u MLA, MDC ne way kyrtong iakhun election, hynrei kaba nga sngew lyngngoh haba iohi iaki jingkynnoh u ma Lahkmen uba pynsyriem ia nga kum kita ki suit tynjang bad kiba mih tang haka por elekshon ban pynbiej iaki paidbah,” la ong u ma Prakash.

U ma Prakash ula ong ba u ma Lahkmen ula kynnoh ba u dei u company Prakash bad u nongai papor bad u nongsynniang ia u Stephanson.

“Nga pynshai hangne ia u ma Lahkmen ba nga dei tang u nongkyrshan u ma Stephanson uba dei u paralok,” la ong u ma Prakash bad ula ong kum u MLA bad u Myntri sorkar um dei ban shu kynnoh khlem ki nongrim.