Nga ïakhun MDC bym shai ka jingtreikam u MB Rymbai: Lakhon

Syllad | The Rising MeghalayaFebruary 6, 2019

JOWAI: U Ma Lakhon Dkhar u ban aireng pyrshah para marwei ïa u ma Madonbai Rymbai, CEM JHADC na Sohmynting Khliehtyrshi ha kane ka elekhson MDC ha JHADC, ula lum jingïalang paidbah shuwa ban leit thep kyrteng.

U Lakhon Dkhar, ula ong haka jingialang kaba long ha iing jong u “Nga rai ban ïakhun biang ïaka elekshon MDC namar bym shai ka jingtreikam u CEM JHADC uba long u local MDC ka Sohmynting Khliehtyrshi u ma MB Rymbai”. Ula ong ruh ba tang hadien khyndiat por ba ula rai ban ïakhun ki paidbah ba ju kyrshan ïa u kila wan phai biang.

“Baroh ki kam ba u la leh u ma Madon ha ki 15 snem ki paidbah kila ïohi bad ai ba kin ka rai ïano kin jied”, la ong u Ma Lakhon.

U MB Rymbai dang shen ula kynnoh ba u Lakhon Dkhar dei u kyrtong ba pynïeng u ma Sniawbhlang Dhar, Myntri Transport bad kiwei. Ula ther tyngeh bad kynnoh ba u Sniawbhalang u kwah ban pynrem ïa u haba ka MLA elekshon u Ma Madon bad Lakhon ki kyrshan ïaka NPP bad pynjop ïa u kynum jong u, u Wailadmiki Shylla, MLA ka Jowai.