Nga kloi ban hiar shuki lada pynjlan por ïaka elekshon MDC: Hispreaching Son Shylla

Syllad | The Rising MeghalayaJanuary 25, 2019

SHILLONG: U Bah Hispreaching Son Shylla, Chief Executive Member (CEM), Khasi Hills Autonomous District Council (KHADC) ula ong “Nga kloi ban hiar na khet CEM lada pynjlan ïaka por ïaleh elekshon MDC”. “Nga kwah ba ka elekshon kan long hadien hynriew bnai bad ngan sa pynsngew ïaka jingsngew jong nga bad ki para dkhot sha ka sorkar Jylla”, la ong u Bah Shylla haba kren bad ki nongthoh khubor haka sngi Thohdieng.

Ka KHADC shen kan sa ai da ka dorkhat sha ka sorkar jylla halor ka elekshon MDC hadien baka Union Cabinet’s kala mynjur ban pynkylla ïaka Sixth Schedule. Kane ka rai la shim hadien ka jingïalang kaba la khot da u CEM KHADC kaba la ïadonlang ki dkhot haka sngi Thohdieng. La wan tang katto katne ki MDC kynthup ïaka Congress, UDP bad PDF.

Don ki dkhot kiba kwah ban ïaid shakhmat ka elekshon MDC haka 27 Rymphang bad don kiba kwah ban pynjlan ïaka por ïakhun elekshon.

Ula kynthoh ïaka sorkar halor ka rai ban pynlong elekshon ha u Rymphang 27 bad u ong ba ka lah ban dei ba kim kwah ïaka aiñ bym shah kyntiap seng (Anti Defection Law). “Nga kwah ba baroh ki dkhot kin ap ïaka hynriew bnai ban myntoi ki konsil”, ong u Bah Shylla.