Ngan pynbha ïaka aiñ ba ïadei bad ka Riti ka Dustur: Thombor

Syllad | The Rising MeghalayaFebruary 24, 2019

JOWAI: U CEM barim jong ka JHADC u ma Thombor Shiwat uba long u kyrtong ka NPP ula ong ba un wanrah ïaki aiñ ban pynbha ïaka Riti ka Dustur khnang ban lah ban tehsong ïaka jaidbynriew.

“Ka Jaidbynriew Pnar kalong kaba kyrpang na kiwei pat ki jaidbynriew khamtam ka thaiñ Nartiang Umladang kaba riewspah bha haka kolshor ha kaba donkam ïaki aiñ bad ban buh jingthoh ban im ka jaidbriew bad ka kolshor”, la ong u ma Thombor haba kren haka jingïalang ïalap elekshon ha Nartiang.

Ha kane ka jingïalang ialap elekshon la wan da ki nongkyrshan ka NPP na kylleng ka thaiñ Nartiang Umladang.

U Ma Thombor haba kren ula kyrpad ïa u paidbah ban ai ka lad ïa u sa shisien ban un poi biang sha ka thong bad ba un ioh ban shakri khambha shuh shuh ïaka thaiñ baroh kawei. “Lada nga shah jied biang kum u MDC ka thain ngan pyrshang ban pynbha shuh shuh ïaka aiñ pynkup bor ïaki nongïalam shnong”, la ong u ma Thombor bad mynta ba ka Autonomous Council la pynkylla sha ka Territorial Council kum ki MDC kin ïoh shuh shuh ka lad ban theh ïaki kam pynroi hapoh u pud u ang ka konsil.