Ngan pynurlong ia kaei kaba nga la sdang: Stephan Mukhim

Syllad | The Rising MeghalayaAugust 24, 2022

U Stephan Mukhim MLA barim ka Amlarem Constituency ula ong ba ki kam kiba ula sdang kila sahteng lut namar bym shimkhia u MLA ba mynta u ma Lahkmen Rymbui bad u sngewkhia shikatdei eh namar ba Amlarem sub division kaba dei sub division kaba rim ta ka sahdien ha baroh kiliang.

U ma Stephan Mukhim, uba la rai ban iakhun iaka elekshon MLA naka National Peoples’ Party (NPP), ula ong ia kane haba kren bad ki nongthoh khubor hadien ka jingialang pyniasnoh NPP u MLA barim ka Amlarem u ma Riang Lenon Tariang uba la ieh noh iaka party Bhartiya Janata Party (BJP) ryngkat bad ki nongkyrshan jong u haka sngi ba Ar.

Ka politik ha Amlarem kala khluit bad kane ka jingwansnoh u ma Tariang sha ka NPP kala nang pynkhlain bor shuh shuh ia u Ma Stephan ban ia aireng pyrshah ia u Ma Lahkmen Rymbui uba long mynta u Myntri ka tnat Pohiing bad tnat Pule Puthi jong ka Jylla ha ka elekshon sha ka iing Dorbar Thawain jong ka Jylla ha u 2023.

Haba iakren bad ki lad pathai khubor, u Ma Stephanson u la kynnoh ba ka jingïaid lynti jong u Ma Rymbui kadei kaba leh shilliang haduh katta katta balei namar mar sien jop ula kular iaka MLA skim T. 7500 tang na bynta ki nongkyrshan jong u (Rymbui). U la ong shuh shuh katba ia ki nongkyrshan jong u bad nongkyrshan jong u RL Tariang na ka BJP kumjuh ki nongkyrshan jong u Holando Lamin na ka Congress ki la shah kyntait mardor ha u Ma Rymbui.

U la ong kane ka dei ka jingleh shilliang iaki paidbah bad ha kajuh ka por ki nongïalam jong u ki long kiba niew shilliang wat ia ki nongkyrshan jong ki hi. U la bynrap ba ka MLA skhim jong u ka long lehnohei bad kam shym la iarap bad kyntiew iaki longïing longsem baduk ba rangli jong ka constituency bad ka dei tang kum ka Election fund jong u Rymbui.

Halor ki kam kiba sahteng hapoh ka Amlarem Constituency, u MLA barim jong ka Amlarem Constituency u la iathuh ba ha ka por jong u, ula pyrshang ban pynioh Hospital hapoh ka Headquarter jong ka Sub Division bad kane ka la ïaid shakhmat hynrei haduh mynta kam shym la long kaba urlong.

U Ma Stephanson ula ong ki surok shnong kila jot la pra ha baroh kawei ka constituency bad haka por jong u, u la kam ba bun ki surok ki bha hynrei kumba long mynta ki long kiba la shitom iaki kali ban leit bad wan kumjuh ki paidbah.

Haba kylli kaei ka jingmyntoi ia u na ka jingwan iasnohlang jong u Ma Tariang sha ka NPP, u Ma Stephanson u la ong ba ka long ka jingmyntoi kaba khraw ia u namar ba u Ma Tariang u dei Ex-Minister bad Ex-Deputy Speaker uba la ih bha ha ka kam saiñ hima sima.

Haba iadei bad ka umbam umdih u pynpaw ka jingsngewnguh iaka sorkar kmie ba la ioh iaka JJM hynrei wat la katta ruh ka jingpyntrei kam long kaba pynhun ia u paidbah hapoh ka Constituency. U la khmih lynti ba lada u wan haka thong un pynmiat pynbha iaki khnang ba ki paidbah kin ïoh iaka hok jong ki haka liang ka umbam umdih.

Halor ki jaka pule puthi kiba dang duna ha Constituency, u Ma Stephanson u la pynpaw ia ka sngewnguh ia ka Sorkar ba ka la ai ia ka People’s College ia ka Nongtalang College hynrei katkum ka jingïaid ka por u la sngewdei ba kat ka sub division kaba rim tam ka la dei hok ba ioh da ka Govt College bad lada u wan sha ka bor un wanrah ia ka Govt College kaba pura ha ka Amlarem.

U Ma Stephanson u la kynthoh shuh shuh ba u Local MLA uba long u myntri jong ka tnad border area, hynrei haka jingiohi jong u dang bun ki jingduna ha ki thain khappud na ka daw jong ka jingbymshimkhia u myntri jong ka tnat border.

U la ong ruh ba dang bun ki kam kiba sahteng kum ka Leshka Project haka liang ka power sector bad ka sngewsih ka long Leshka Project Second Stage ki dang sahteng haduh mynta.

U Ma Stephanson u la ong u thmu ban kyntiew ia ka kam jngoh kai pyrthei ne tourism hapoh ka thaiñ bad mynta ki tourist na bar ri ki la sdang ban wan sha ka thaiñ War Jaintia namar ka don iaki jaka shangkai kiba itynnad kiba la kyrkhu da U Blei. U la ong ba yn pyrshang ban wad ki lad ki lynti na ki skhim Central bad State skim kumjuh na ka MLA Skim khnang ban iarap ia ki samla ba kin lah ban ieng hala ki jong ki kjat jongki.

U Ma Stephan ioh lypa ruh iaka jingkyrshan ki MDC jong ka NPP na War West, War East, Jowai South bad Sohmynting-Khliehtyrshi bad u kyrmen ba u MDC jong ka War Central u Holando Lamin yn sa wan shakhmat ban ai ia ka jingkyrshan jong u ia u.