Ngan wanphai biang kum u CEM JHADC: Madonbai Rymbai

Syllad | The Rising MeghalayaFebruary 24, 2019

JOWAI: U Ma Madonbai Rymbai, Chief Executive Member jong ka Jaiñtia Hills Autonomous District Council (JHADC) ula ong ba un wanphai biang kum u CEM jong ka JHADC.

U Ma Madonbai Rymbai haba kren haka jingïalang kaba long haka shnong Khliehtyrshi haka sngi Saitjaiñ ula ong“Ki Kam jong nga kin kren bad nga sngewskhem ngan jop biang da palat 1000 vote ha kane ka kynti”.

Ula ong ba kum u MDC ka thaiñ 4-Sohmynting Khliehtyrshi ula lah ban wanrah shibun ki kam pynroi ha ka thaiñ bad lada u wanphai biang haka bor un pynthikna ban pyndep ïaka jingtei Iawmusiang ba thymmai ba ki nongrep ka thaiñ jong u bad kiwei kin ïoh ïaka jaka shongdie jingdie ba paka ban kyntiew ïaka lad kamai kajih.

“Naduh u snem 2014 bala khang ïaka jingtih dewiong, bun kila shah ktah haka kami kajih, hynrei kum ki briew ngim dei ban duh jingkyrmen namar ba don bun kiwei pat ki lad kamai jakpoh kata ka rep ka riang ka kam thain, ka ri jingri bad kiwei kiwei. U dewiong lada ïingbishar ba hakhliehduh ka ri kan ailad ban tih biang ruh, une u mar u lut tang hapoh 6 snem”, la ong u Ma Madon

Ula ong ba ka thong kaba hakhmat eh ka jong u mynta ka dei ban phai sha ka kam jngohkai bad ka konsil ka don ka jaka ba kyrpang bad kane ka dei ka Myrkeiñ Protect Forest. Lyngba kane ka jaka yn shna ïaki jingtei ba ïadei ban kam jngoh kiba iadei bad ka mariang kan khring ïa ki nongwan kai suwari bad hadien ba kila wan kai na Krangshuri, Shnongpdeng bad kiwei kiwei ki jaka kin wan ban pynaram ha Myrkeiñ”, la ong u ma Madonbai Rymbai.