Ngat Containment sa ka Barato A

Syllad | The Rising MeghalayaJuly 26, 2021

U District Magistrate, West Jaintia Hills District haka sngi Nyngkong ula pynngat Micro Containment iaka shnong Barato A, kaba hap ha Laskein Block hadien bala lap ba don ka jingiabit jingpang khlam COVID-19 ha kane ka shnong.

Ka hukum ka khang iaki briew ban rung sha katei ka shnong kaba pynngat containment bad kiba shong ba sah hapoh katei ka containment ruh kim bit ban mih, hynrei ki dei ban shong pynkyrpang ha ki iing ki sem jong ki.

La khang ban pynlong ia kino kino ki jait jingialang bad la bthah iaki baroh ki dukan ban khang mardor.

Ki kali kiba ju iaid lyngba na katei ka shnong la bthah ba kim bit ban sangeh ha shiteng lynti.