Ngat laingut ki snar nong lute ha ka shrip ki pulit ka SWGH

Syllad | The Rising MeghalayaJuly 20, 2023

Ki pulit jong ka South West Garo Hills District, ki la ioh ban kem ia lai ngut ki snar nonglute kiba kynthup ia u Rakkam M Sangma, u Walseng A Sangma bad u Batseng A Marak ha kaba ki la ioh ruh ban kurup noh ia ki artylli ki tari/dakar, kawei ka thuk thuk bad ki katto katne ki jain shipai na ka jaka riehtngen ka jong ki.

Na ka liang u SP ka  ka South West Garo Hills District, u  Vikash Kumar IPS lyngba une u kyrwoh ula ong ruh ba kine ki snar nonglute  ha ka 11tarik mynta u bnai ki la leit  ban lute na ka iing ka jong u  Darong  A Sangma uba shong ba sah ha ka shnonhg Kawahagra. La ong ruh ba ha kane ka por ba ki leit ban lute kine ki lai ngut la kynnoh ba ki la phong da ki jain shipai bad ba ki la pynma ia u Darong da kaba ki la pynap ia u da ki dakar bad hadien kane, ki la dawa  ia u ban sei lut ia baroh ka pisa kaba u don.

U Darong ruh la ong ba hapdeng ka jingtieng  um banse ban sei ia ka pisa kaba u la lum bad kynshew kaba don kumba 11 hajar 6 spah tyngka bad ban aiti ha kine ki nong lute.

U Darong ua la leit ban pyntip ia kane ka jingjia sha ka ki pulut jong ka Kawahagra PS, Mahendraganj ha ka sngi kaba bud, ha kaba la pynkylla noh ia ka sha ka ejahar.

Hadien ba la ioh pdiang ia kane ka jingujor, mar mar ki pulit ka South West Garo Hills, ki la pynlong ka jingkhynra  ha kaba ki la ioh ban kem ia ki lai ngut ki briew kiba la tip kyrteng kum u Walseng A Sangma, U Rakkam M Sangma bad u Batseng A Marak.

Mynta na ka liang ki pulit ki dang pynlong ka jingtoh kaba bniah ia kine ki laingut khnang ban tih bniah shuh shuh ia ki kam tuh kam lute bad ki kam pyntriem kiba ki la leh.