Ngat phatok 7 snem uba donkti ha ka kam leh beijot ha West Jaintia Hills

Syllad | The Rising MeghalayaMay 17, 2024

Ka iingkashari u Session Judge, West Jaintia Hills District, Jowai ka la rai pynrem da kaba set phatok hynniew snem kynthih ia u runar uba donkti ha ka kam leh beijot kaba la jia naduh u snem 2010.

Na ka liang u Superintendent of Police, West Jaintia Hills, Jowai lyngba u kyrwoh u pyntip ba Kyrshanlang Sungoh uba dei na ka shnong Mookhap la lap ba u donkti ha kane ka kam leh beijot ha kaba la pynngat ia u ha ki kyndon jong ka U/S 376 IPC.

Hadien ka jingtian bishar ka iingkashari u NA Khan, MHJS, Sessions Judge, West Jaintia Hills District ka la pynioh ia ka jingbishar hok da kaba rai set phatok 7 snem kynthih ia utei u runar uba donkti ha katei ka kam leh beijot ha ryngkat ka kuna kaba long T.5000/- (San hajar) bad lada ym lah siew iaka kuna un shah set byndi sa shi bnai.

Nalor kata ka iingkashari ka la aijingmut ruh ban siew ia ka bai lutksan kaba long T.5 lak (San lak) sha katei ka lanot.