Ngat saw ngut ki nong Bangladesh ba thmu wan rung tuh ha ka shrip ki BSF

Syllad | The Rising MeghalayaAugust 24, 2024

Ki shipai Border Security Force (BSF) ka Meghalaya ha ka 22 tarik Nailar ki la lah ban pynpulom noh ia ka jingthmu wan rungtuh jong ki briew napoh Bangladesh lyngba ki jaka khappud napoh East Jaintia Hills.

Ha kane ka jingkhynra ki shipai BSF ki la ioh ban kem noh ia sawngut ki nong Bangladesh kaba kynthup ia laingut ki kynthei nalor arngut ki nongialam lynti kiba dei ki nong India.

Na ka liang ki bor shipai BSF ki dang iai bteng ban peitngor bad pynjur ia ka jingpahara ha ki thain khappud khamtam hadien ka jingjia jong ka kynrum kynram sain hima hapoh Bangladesh ha kaba bun bah ki briew na katei ka ri  ki la pyrshang borbah ban wan phet sha India lyngba ki jaka khappud.

Hadien ki BSF ki la aiti noh ia kitei ki nong Bangladesh bad nong India kiba la shah kem shapoh ka police station ban leh shuh shuh ia kaba donkam.