Ngi ai jingiarap katkum ka bor, sa 2 shnong ngi sam khaw ong ka WJNC

Syllad | The Rising MeghalayaApril 11, 2020

Naka liang jong ka West Jaintia National Council (WJNC) ka sngewphylla ban iohi iaka jingmih jong ka khubor ba khlem sam khaw ha Iooksi bad Khonshnong.

Ka WJNC kala pynpaw ba ha i bor ba rit kala sam khaw sha katto katne ki longing jong ka shnong Iooksi, kiba shong basah haka dong Umdiling, Shiliang Masar bad Kyanmynsar, hynrei kala pynpaw bad sngewphylla ban iohi iaka jingmih jong ka khubor na u Rangbah Shnong ba u ong ba ki khlem sam khaw.

Ka WJNC ka panmap naki nongshong shnong jong ka Iooksi, namar ba ka seng kam kot bor ban iarap sha baroh ki longiing longsem jong ka shnong, hynrei ka WJNC lyngba i bor i barit ryngkat ka jingiatreilang bad WJNC – Iooksi Circle, kala pyrshang ban iarap shaki katto katne ki iing.

KA WJNC ka pynshai ba ha kaba iadei bad ka Khonshnong haka jingshisha hi kadei ka jingbakla kyrteng shnong jong ki, ha kaba ka seng kala ai jingiarap ha Shnong Thymmae, hynrei kila kam ba ki kum bakla ban thoh kyrteng shnong, tangba kaba sngewlyngngoh ka long ba mynnin ka sngi 10/04/2020 por baki nongialam jong ka WJNC ki thmu ban leit ai jingiarap ha Khonshnong, naka liang u Rangbah Shnong u la kyntait ban pdiang iaka jingthmu jong ka seng ban iarap iaki paitbah jong katei ka shnong.

Na kaliang jong ka WJNC wat la mih kane ka jingsngewthuh bakla kadang iai bteng ban iarap ia ki paradoh parasnam ki bala shah ktah shisha ha kane ka Lockdown bad hynnin ka sngi ruh ka WJNC – Iooksi Circle, hapoh ka jingialam jong u president Nidaiohi Dhar kila sam da u khaw 3 kilo shi ing, shaki 30 tylli longing jong ki 2 tylli ki shnong kiba kynthup iaka Iawthymmae bad Umsalait.