Ngi dei ban ieng kum ki samla ban iada la ka kyndew ka shyiap ong u Ostranic haka jingthaw iaka tnad KSU ha Ummulong

Syllad | The Rising MeghalayaOctober 26, 2020

Mynta ka sngi ka Khasi Student Union Jaintia Hills District Unit ka la ioh ban pynkha sa kawei ka tnad treikam jong ka haka shnong Ummulong, West Jaintia Hills District.

Iakane ka thad treikam ba thymmai la wan pynshkem da u Ostarnic Marbaniang Organising Secretary ka KSU Sengkmie haka jingialang kaba pyniaid da u Leningrad Tariang Organising Secretary KSU Jaintia Hills District Unit.

U Osternick Marbaniang haba ai jingkren haka jingialang, ula ong “Ka jingdon ki mendie ri ka buh ka jingma kaba khraw iaka jaitbynriew, namar ki mendie ri ki im ki sahlang, hynrei ngim tip ia ka jingmut ba sniew jong ki bad ki lah ruh ban shetkylla hakano kano ka por.”

“Ngi dei ban ieng mynta kum ki samla ban iada la ka kyndew ka shyiap namar ka dei ka nongkynti ba paka ka jong ngi bad ngim dei ban tieng haba wan pyntieng pynsmiej ki briew ba nabar ia ngi khamtam ki khar Bangladesh” la ong u Ostarnic.

“Ka KSU lada jia kat ba jia ruh hynrei kan iengskhem beit hala ka nongrim ban iada la ka Jaitbynriew bad kan nym ailad ia ki mynder ri ban knieh ia ka Ri jong ngi” ula pynkut.

Hakane ka sngi la iadonlang ruh ki nongialam ka KSU Jaintia Hills District Unit kata naduh u Ohibait Dkhar, SS Niangti, Shaniahskem Dkhar, Banjop Raliang, Phrangki Papang, Chanbor War bad u Incharge ka KSU Jaintia Hills District Unit Rueben Najiar.

Ki dkhot ba shah pyntiansmai jong ka Ummulong Unit ki long kumne harum:

President- Niccky Challam

Vice President- Jesper Pariat

General Secretary- Mararki Rymbai

Assistant General Secretary- Shining Shullai

Sport Secretary- Klemen Kharbina

Assistant Sport Secretary- Samli Pyngrope

Publicity Secretary- Dame Muksor

Finance Secyretary- Kynsailad Kharbina

Environment Secretary- Fullmoon Pyngrope

Education Secretary- Sainborlang Rymbai

Assistant Education Secretary – KL Rymbai