Ngi dei ban pynduh iaka jingmutdur jong kiwei ba jaidbynriew kam iatylli: Ardent

Syllad | The Rising MeghalayaMay 30, 2023

Mynta ka dei ka khep ba ngin ieng tylli la ong u bah Ardent Miller Basaiawmoit president rangbah jong ka Voice of the People Party (VPP) uba la rai ban bteng iaka jingshah thngan tad haduh baka sorkar ka mynjur ban pynthymmai iaka Meghalaya State Reservation Policy 1972.

U Bah Ardent ula ong ia kane haka sngi ba Ar hadien baka sorkar kala phah iaka shithi sha ka VPP ba ka sorkar kala thaw iaka committee kaba thymmai ban iakren iaka Reservation Policy bad ka Reservation Roster.

Kane ka committee kaba thymmai kan shong jingaialang nyngkong haka sngi Balang ha Main Conference Hall, Main Secretariat Building, Shillong. Ka Kong Ampareen Lyngdoh kan khlieh ia kane committee kum ka chairperson kaba ka sorkar kala rai ban pyniar iaka kti treikam jong ka da kaba mynjur ban kynthuplang iaka mat iakren bad ka Reservation Policy nalor ka Reservation Roster System.

U Bah Ardent ula ong ba “Busien ki briew ki kynthoh ba ka jaidbynriew Khasi kam ju lah ban iatylli, hynrei ha kane ka khep kaba mynta ngin ieng tylli. U Khyriam, u Pnar, u Bhoi, u War, u Maram, u Lyngngam ngi dei uwei u jaidbynriew Khasi.”

U Bah Ardent ula ong “Wat ym shah ba ki don ki bor ka na kadiang ka mon ban pynpait pynra ia ngi bad ban pynsniew dur iaka jingiakhih jong ngi. Ngi dei ban ioh ia kaei kaba ngi dawa bad ka party kan leit sha ka jingiakren ban ai jingmyjur iaka Reservation Policy kaba thymmai, lym kumta ngan ym mih na kane ka jaka ban shah thngan.”

“Ngam kwah baka jingiakhih kan khluit noh bad lada khluit kan don ka jingklumar bad lada don jingklumar ka sorkar ka ban kmen kynmaw ia kata iaka jingkwah ka sorkar, ngi lah ban dom, ngi lah ban bitar, ngi lah ban sngewei ia u bah Ardent uba la shah thngan la phra sngi,” la ong u Ardent.

U Bah Ardent ula ong shuh shuh “Ngin iaid da lynti kaba jai jai bad ngin nym jied iaka lynti ka ban pynmih iaka jingklumar bad ngin nym iakhun bad ka sorkar bad ka sorkar ka kwah eh ba ngin iakhun bad ka sorkar. Kumba nga la ong haka sngi kaba nyngkong eh ngin jop bad kam mut ba ka sorkar kala khot iaka jingiakren ngin song noh iaki tum ki tam, hynrei ngin ap kaei ka jingmih na ka jingiakren halor ka Reservation Policy bad lada kam pynhun ngin bteng iaka jingiakhih.” ong u Ardent.