Ngi shah niew kum ki nongkhrong, ong u Ma Thombor Shiwat

Syllad | The Rising MeghalayaDecember 5, 2023

U Chief Executive Member Jaintia Hills Autonomous District Council (JHADC) haka sngi ba Ar, ula ong “Ki briew kiba trei ha Secretariat kila niew iaki nongtrei ka JHADC kumjuh ia u Chief Executive Member kum ki nongkhrong haba ngi leit ud leit nam ban dawa pyllait iaka bhah ba sah jong ka konsil na ka sorkar Jylla.’

‘Ngim dei ki nongkhrong ia kaei ka ba ngim khrong, hynrei ngi pan ia kaei kaba ngi dei ban ioh kaba ngi shah ram,” la ong u ma Thombor kaba la pynlehrain bad shah niew poh ha khmat ki briew kiba don ha Secretariat.

U CEM ula ong ia kane haba kren haka jingialang plie paidbah iaka jaka treikam ba thymmai ka konsil ha Jowai.

U ma Thombor ula ong ruh ba ka jingiakhih jong ki nongtrei ka konsil, ka lah ban dei kaba la kynshoit da kiwei ban myntoi haka politics. Ula khot ia ki nongtrei bad ki ophisar ka konsil ban treilang bad ban pynduh iaka jingbymsngewthuh jingmut ban miat ban bha ka konsil.

Khlem shimbynta kiba bun ki nongtrei, ki MDC liang pyrshah haka jingplie iaka building thymmai ka JHADC

Kane ka ophis treikam kaba thymmai ka dei kaba la tei iaka lyngba ka grant na ka sorkar pdeng kaba la tip kum ka Grant to Excluded Areas ne ka jaka bym shym la kynthup haka Riti Synshar jong ka ri hapoh ka Part IX bad IX A.