Ngim kyrshan ne pyrshah iaka public hearing ka Star Cement ong JSM

Syllad | The Rising MeghalayaNovember 18, 2020

Ka Jaintia Students’ Movement Central Body ngi kwah ban pynshai sha phi ki paidbah nongshong shnong ka Ri Lum Jaintia bad  ka Jylla hi baroh kawei haba iadei bad ka public hearing ba la pynlong bad khot pynlong da ka Meghalaya State Pollution Control Board (MPSC)  katkum kat kum ka jingshem bad lap ka seng.

Baroh phi ia tip ba  haka public hearing ba la long ha ka 19.10.2019 ha ka shnong Brichyrnot ka long ruh ka jaka ba kum ka  M/S Star Cement ka don jingthmu ban  khlong ne tih ia mawshun haduh kumba 42.051 hectares, ha katei ka sngi  ngi kum ka seng ngi long ki nongpyrshah kaba hakhmat eh ha ryngkat bad ka 6 shnong association ba lam khmat da U Daia Lamare bad kiwei kiwei ki para sengbhalang hynrei ka public hearing ka la  pulom noh.

Kumjuh ha ka sein kaba ar kata ka dei  ha ka 30.01.2020 ka MSPCB ka la khot pynlong biang ia ka ne ka juh ka public hearing ha shnong Lumchnong, East Jaintia Hills District ha kane ka sngi ruh kum ka JSM ngi pyrshah jur bad ngi la buh ruh da ka jingthoh sha Ministry Of Environment & Forest Climate change (NEZ), kat kum ka shithi no JSM/PUB-Grievance/2020/1,date January 20^th 2020 .ha kane ka sien ba ar ruh ka jingthmu ban pynsngew paidbah ka la pulom ha ryngkat bad ngi ka JSM bad Ka KSU.

Mynta ha ka sienjam kaba lai ngi la iohi b aka jingpynsngew paidbah ia kane ka juh ka Public Hearing kan long haka  21.11.2020, kan long haka District Head Quarter ha Khliehriat East ha ka phyllaw ( Parking) ha ka  ophis treikam  U Deputy Commissioner barim , ha kane ka sien jam pat ngi la iohi la bthah ban khot pynlong daka govt of India lyngba ka Ministry of Environment, Forest and climate Change kat kum ka ain hapoh ka EIA notification 2006 para7(i) of stage 3-Public Consultation Cluase (v) bthah biang ia ka District Authority.

Te ngi kum ka seng JSM ngi ioh shibun ki jingkylli na ki ba bun ba lang khamtam na ki nongshong shnong jong ka Ka Brichyrnot ba ngi sngew ban ong ba ngi long kum ki diengpynkiang ia katei ka shnong, kumta ka seng kam ban se ban leit hi dalade n aka bynta ban pynlong ia  ka Site Inspection ha ka shnong Brishyrnod ha ka 12/11/2020.

Ha kane ka jingleit jurip ka seng ngi la ioh ban ia syllok ruh ba ki nongialam shnong, ki rangbah bad ki nongshong shnong, ngi shem kum ka shnong Brichyrnot hi baroh kawei ki la kyrshan i aka Star Cement ban tih ia u mawshun na katei ka jaka ba don hapoh u pud u sam jong ka.

Shuh shuh ngi kum ka seng ngi la ioh pdiang ruh ia ka jingiasoi ia sngewthuh jingmut kaba  biang hapdeng ki ne ki arliang mamla.

Ha kane ka jingleit jurip ka seng ka la lap ba ka wah Lukha ka jngai kumba 1.38 KM bad Ka Narpuh Wildlife Sanctuary ka jngai kumba 1.46 Km na katei jaka thmu tih mawshun ka Star Cement.

Halor kane naka liang jong ka seng JSM ha ka jingbishar bniah ngi kum ka seng shaniah ha ki nongshong shnong Ka Brichyrnod bad ka thain Narpuh hi baroh kawei ban rai lada ki ai ne ym ai lad i aka star Cement ban khlong ia u Mawshun na katei ka jaka, namar ngi lap ruh ba kat kum ki area ba kum ka Brichyrnod ka ai sha ka star cement ka long tang shi pawa n aka jingheh jong katei ka jaka ba don u mawshun jong ka shnong.