Ngin ujor sha u DC ban sdang noh ïaka projek pynkhie im ïaka Wah Lukha ong ki 6 Shnong

Syllad | The Rising MeghalayaApril 26, 2020

“Ngin ujor sha u DC bad dawa ban sdang noh ïaka projek pynkhie im ïaka Wah Lukha,” ong u Secretary 6 Shnong Wah Lukha Association u Ma Daiapherbha Lamare.

Ka 6 Shnong Wah Lukha Association kala rai ban ïakynduh ïa u Deputy Commissioner, East Jaiñtia Hills District halor ka jingiap ki dohum dohpnat ha shilynter ka wah bad ka jingkylla rong biang ka Wah Lukha ha kane ka sngi Palei.

Also Read | Sha ka NGT byrthen ka KSU ban ujor, ba iap biang ki dohkha bad kylla rong Lukha

Ka 6 Shnong kala pynpaw ka jingbynñiaw kaba khraw halor kane ka jingkylla bih ka Wah Lukha bad kum ka synjuk kim lah ban shu peit ba la rai ban iakynduh beit ïa u DC East Jaiñtia Hills ban sdang noh iaka projek pynkhie im iaka wah Lukha kaba ka bor synshar district lyngba ka District Mineral Fund Trust Committee kaba la mang 1 klur ban sdang ia kane ka kam.

Also Read | Kmen ka KSU ban wanphai biang ka dur barim ka Wah Lukha

Kane ka projek kan kynthup iaka jingshna Reservoirs dam, Sewage Treatment Plant (STP), Effluent Treatment Plant (ETP) ha Mukset shaneng ka jingkieng Khaddum naka bynta ban iada ia ka wah Lukha khnang ba ki jakhlia kiba shait mih na ki Cements factory kin nym tuid shuh sha Wah Lukha.

Also Read | Wat hadien ba khang tih dewiong dang shyrkhei ka um Acid ha Wah Lunar

Ka Project Cost ka long haduh T. 2.5 klur baroh bad ia ka jingtrei yn leh da ka Trinity Impex International, Delhi.

Also Read | Ba ai pisa DMF ban pynim ïaka Lukha, rai ka 6 shnong ban nym pyrshah pynheh par mawshun ka Star Cement