Ñiom u paid ka Hima Sohiong iaka khyrdop ka KHADC

Syllad | The Rising MeghalayaMarch 11, 2022

Ki khun hajar ka Hima Sohiong hapoh ka lama jong ka JAC kila tur sha KHADC hadien bala kut ka jingai por ban pynphai iaka Hima Nongwah-Mawtamur sha ka Hima Sohiong haka sngi Thohdieng.

Kane ka Hima Nongwah-Mawtamur kaba ju hap haka Hima Sohiong, hynrei la kynnoh ba da ka jingleh khlieh shrieh u Lyngdoh ka Hima Sohiong Bah Bashemphang Thabah ula ai iaka sha u Syiem Jirang  naduh u snem 2015, la ong u Sordar ka Hima Nongwah Mawtamur.

Ka JAC kala ong ba kila ujor sha u CEM KHADC naduh u snem 2019 bad dawa weng Lyngdoh ia Bah Thabah namar ba um lah satia ban pyniaid ia ki kam hima sima, hynrei ka KHADC kala shu sngap man man halor kane ka kam.

Ka JAC kala ther tyngeh iaka KHADC haka jaka ba kan iada ia ka khyndew ka shyiap pynban kala la liam iaka jaka sha ka Assam kaba la plie lad iaka ban ioh kyntur ia pud u sam ka Hima Nongwah-Mawtamur, kane kala pynbitar ia ki paid ka hima bad kila hiar sha KHADC ban khyrniom iaka khyrdop jong ka konsil ryngkat ki jngthoh pyrshah bad ki lama iong mynta ka sngi hadien bala kut ka jingai por.

Dei hadien ba kila khyrniom iaka khyrdop ka KHADC la khot iaki nongialam ka JAC ban iakren, hynrei kam poi shaei shaei ruh bad kila iakynduh tang u Executive Member ba dei khmih iaka khaii pateng ka konsil, u Bah Martle Mukhim uba la kular ban rah iaka EC ban iakren ia kane ka kam.