Noh ka trok sha riat ha Mawsynram, khlad u nongniah bad mynsaw uwei

Syllad | The Rising MeghalayaAugust 16, 2022

Kawei ka trok kala noh shapoh riat kaba jrong kumba 200 phut ha Mawsynram ha kaba u nongniah ula shah tap haka khyndew bad u nongbud ne handyman ula mynsaw jur bad u don hadpeng ka jingshah sumar ha Shillong Civil Hospital.

Kane ka jingjia kala jia haka 13 tarik une u bnai hajan ka krem Mawjymbuiñ kaba hap ha Mawsynram, East Khasi Hills District. La kynnoh ba kane ka jinghap ka trok ka dei na ka jingbym shngain ka rukom shna iaka surok.

Kane ka trok kaba hap ka dei kaba don iaka registration number ML04C 0478 kaba niah da u Nidayophi Dkhar na ka shnong Wapung Skur, East Jaintia Hills District. Ia ka met une u nongniah la ioh sei haka sngi Nyngkong da ka jingwad paidbah ki nongshong shnong na Wapungskur bad ki Mawsynram ryngkat ka kynhun jong ka State Disaster Response Fund (SDRF).

U nongbud kane ka trok u Nomida Ryngkhlem uba na ka juh ka shnong mynta u don hapdeng ka jingsumar ha Civil Shillong.

Ia ka niam ka rukom ba khatduh u Nidayophi la pyndep mynta ka sngi.