Oh pathar ki shipai BSF hajan tyllong umdih khyrwit ka KSU Amlarem

Syllad | The Rising MeghalayaSeptember 29, 2022

Hynnin ka miet sngi Balang ka la mih ka jingīania kaba jur hapdeng ki dkhot ka KSU Amlarem bad ki shipai BSF jong ka Muktapur BOP kiba ap pahara bad buh ktem shipai mynta la bun sngi ha Amlarem.

Haba ïakren bad u President ka KSU West Jaintia u Laitphar Syngkrem ula ìathuh, hadien ba ki dkhot ka KSU na Amlarem kila ïoh iaka jingujor na ki paidbah īaka jingleh khlem akor jong kine ki shipai BSF da kaba leit oh pathar katba shaba lap ba shem hajan ka tyllong umbam umdih ha Jairaiñ.

Ula ong ki dkhot ka KSU ki la leit ban ïakren bad ki ban dawa ba kim bit ban oh pathar namar ba kadei tyllong um kaba bsa um bam um dih ia katei ka shnong.

Hynrei ka jingīakren kam shym la poi shaei shaei bad la kynnoh kine ki shipai BSF kila shoh khaw yiang. Ka thma ktien kala neh khamslem bad kala kut haduh ba la wan pynjaijai da ki pulit na Amlarem Police Station.