Palat 350 ki SHG shimbynta haka Mela cum Financial Literacy Camp ha Amlarem

Syllad | The Rising MeghalayaMay 4, 2022

Kum shibynta ka Azadi Amrit Mahotsav ne ban kynmaw iaka jingioh laitluid ba 75 snem ka ri bad ka North East Festival 2022, la pynlong ïaka SHG Mela cum Financial Literacy Camp ha Amlarem C&RD Block, West Jaiñtia Hills haka sngi Balang ha Amlarem.

Ka Kongsan ka Kong YR Mawlong (MCS), Sub Divisional Officer, Amlarem Civil Sub Division haka jingiadonlang u Dr. D Lyngdoh BDO Amlarem, J. Massar Branch Manager, State Bank of India, I Phawa Assistant Research Officer, Planning Branch bad kiwei kiwei

Haba kren kum ka kongsan ka Kong YR Mawlong (MCS), SDO, Amlarem Civil Sub kala ong ka jingdon ki Self Help Group (SHG) ka kyntiew ïaka imlang sahlang bad ka la kyntu ïaki SHG ban shim kabu ïaki skhim kumjuh ki jingjikai ba la pynlong da ki tnat treikam sorkar.

Ha kane ka mela la wan ïashim bynta kumba 350 tylli ki SHG kiba don ha Amlarem, 8 tylli ki dukan ne ki stall ban pyninam iaki mar ba wanrah kine ki SHGs. Ha kane ka Mela la don 165 ngut kiba wan pynrung kyrteng ha ka PMSBY, 30 ngut ha ka PMJJBY, 7 ngut ha ka APY.  Nalorkata la plie haduh 43 tylli ki SHG bank account bad la ai ruh shaki 10 ngut ka ram kaba kynjoh shaka T. 6,80,000/.

U Branch Manager ka State Bank of India, Amlarem ula batai halor ka Financial Literacy ne ki kam pisa pilaiñ bad ka jingmyntoi ba ïoh ki SHG haba plie ïaki Bank Account. Ula pynshlur ïaki SHG ban shim ram (Credit Linkage) khnang ban kiew ka ïoh ka kot jong ki.

U Assistant Research Officer ula batai halor ka North East Festival 2022 kaba la pynlong kylleng ki District ka Jylla bad la pynlong ruh iaka Marathon, Quiz Competition bad ki SHG Mela cum Financial Literacy Camp.