Palat 600 ngut iasoh UDP na Khliehtyrshi

Syllad | The Rising MeghalayaDecember 17, 2022

Palat 600 ngut ki nongshong shnong ka Khliehtyrshi kila pynrung kyrteng ialade ban iasoh bad ka United Democratic Party (UDP) haka sngi Saitjain.

Kine ki 600 ngut ki nongshong shnong ka Khliehtyrshi kila rai ban kyrshan ia u ma Moonlight Pariat kyrtong ka UDP na 2 Jowai Constituency haka jingialang kaba long ha iing hall ba rim ka shnong Dulong, Jowai.

U Kitbok Nongtdu general secretary ka UDP ula iathuh nalor kine ki 600 ngut ki don ruh na kiwei kiwei ki shnong ba marjan kiba la pyniasoh sha ka party. Kane ka jingwan iasoh ki nongshong shnong ka Khliehtyrshi sha ka UDP kala ai mynsiem iaka party wat la ka dei ka jingialang kaba nyngkong eh bala khot da ka party mynta ka sngi.

Kum ka dak ban sdang noh iaka jingialang ialap paidbah u kyrtong ka UDP ma Moonlight Pariat ula pynher ruh iaka lama ka UDP ha iingsah jong u, la ong u ma Kitbok.

Ha kane ka jingialang pynrung dkhot ka UDP la iadonlang ki nongialam u ma Moonlight Pariat kiba kynthup ia u Sanbok Rymbai, Chem Biam, Lephing Pyrtuh, Marki Mulieh, GM Lamar, Deisa Muruh, Kong Robila Mylliem Pdah, Peter Kharmuti, Tiarsing Nongrum bad kiwei kiwei.