Palat hajar ngut ki khynnah skul ba shimbynta haka Inter School Athletic Meet u DSO Ri Bhoi

Syllad | The Rising MeghalayaMay 10, 2024

Ka ophis jong u District Sports Ophisar (DSO) Ribhoi District haka 9 tarik Jymmang ka la ïoh ban sdang noh ïa ka Lympung ïalehkai Sports kaba 3 sngi kynthih jong ka “District Level Inter School Athletic Meet 2024” na ka bynta ki skul bapher bapher kiba don hapoh ka district ia kaba la pynïalehkai ha Madan NSCA Stadium, Pahamsysiem.

Ha kane ka lympung yn pynïakehkai haduh 50 tylli ki jingïalehkai ia kaba la phiah ha ki 3 kyrdan kata ka under 14, under 16 bad under 18 jong ki kynthei bad shynrang.

Ha kane ka Lympung la wan ban ïa shim bynta da ki khynnah skul naki 30 tylli ki skul kiba don hapoh Ribhoi District kaba la kot shaduh 1114 ngut ki rang bad ki thei ïalehkai.

Ïa katei ka Lympung ïalehkai sports jong ka ophis u DSO, Ribhoi District la wan ban kyntiew ïa ka lama da u bah Finely L Pariat General Secretary jong ka Meghalaya State Olympic Association (MSOA) kum u kongsan ha ka jingïadon lang u bah Gordon S Langstieh, Functional Manager jong ka DCIC symbud kongsan, bah Bobby L Nongbet District Sports Ophisar, Nongpoh Bah RB Shadap President RBDSA lem bad kiwei kiwei.