Pan jingkyrshan ka Sorkar na Delhi ban pynlong jaka pdeng ka roi ka par ia ka New Shillong

Syllad | The Rising MeghalayaAugust 13, 2024

Ka Sorkar Jylla ka la pan ia ka jingkyrshan jong ka Sorkar Pdeng na ka bynta ban pynlong ia ka New Shillong kum ka jaka pdeng na ka bynta ka roi ka par kumjuh ha kiwei pat ki jaka.

Ia kane ka jingtyrwa la aiti sha ka Myntri Pla Tyngka jong ka Ri da u Myntri Rangbah ka Jylla u Conrad K Sangma ha ryngkat u Symbud Myntri Rangbah u Bah Prestone Tynsong ha ka 12 tarikNailar ha New Delhi.

Haba pyntip ia kane lyngba ka rynsan social media X, u Conrad u la ong, “Ngi la shong ia ka jingialang kaba seisoh bad ka Myntri Pla Tyngka jong ka ri ka Smt. @nsitharaman ji. Nga la pynpaw ia ka jingsngew nguh halor ka jingmang ia ki surok bathymmai hapoh jong ka Externally Aided Projects (EAP) kaba kot sha ka T. 2500 klur.