Pan kaiphot ka MHRC halor ka jingleit kyndang ka HYC ia ki longiing na Lum Survey
Ka Meghalaya Human Rights Commission (MHRC) ha ka 25 tarik mynta u bnai ka la phah da ka notis kaba kyntu ia u Chief Secretary ka Jylla ban aiti ia ka kaiphot ha kaba iadei bad ka jingjia shah kyndang jong ki longiing kiba shong ba sah ha Lum Survey.
U Secretary ka MHRC lyngba u kyrwoh u la ong ba ka Commission ka la shim da ka suo motu ha kaba iadei bad ka jingud jingnam jong kine ki briew kiba la shah kyndang na ka bynta ban ioh jingiarap hadien katei ka jingshah kyndang na Lum Survey.
![](https://www.syllad.com/wp-content/uploads/2024/09/JIT-Vacancy-823x1024.avif)
Na ka liang ka Commission ka la kyntu ia u Chief Secretary ba un aiti ia ka kaiphot ha lane shwa ka 30 tarik Jymmang 2024.
Lah ban kdew ba ha ka 23 tarik mynta u bnai na ka liang ka Tnat pulit ka la rejistar case pyrshah ia ki nongialam jong ka Seng Hynniewtrep Youth Council (HYC) tang khyndiat kynta hadien ba ki dkhot ka Seng ki la leit kyndang bad pynpra ia ki iing ki sem halor ka jingkynnoh ba kine ki briew ki dei kiba shong ba sah beain ha Lum Survey.
“Iaka Case la Register ha Sadar police station pyrshah ia u president ka HYC u Bah Roy Kupar Synrem, u Vice President Donbok Kharlyngdoh, Assistant General Secretary u Isaac Basaiawmoit bad kiwei pat ki bym lah ban tip kyrteng halor ka jingleit kyndang ia ki briew na Lum Survey ha ka step jong ka 23 tarik Jymmang” ong u Superintendent of Police, East Khasi Hills u Rituraj Ravi. U la ong ruh ba ka jingtohkit halor kane ka phang ka dang iaid shakhmat.
Leave a Reply