Pan map u nongialam ka JHADC staff assoc ba kynnoh shukor ia u CM Conrad

Syllad | The Rising MeghalayaJuly 18, 2022

U nongialam jong ka JHADC-Staff Association ula pan map paidbah halor ka jingkynnoh shukor ia u Myntri Rangbah ka Jylla Conrad K Sangma hadien ba kim ioh tulop shuwa ka Behdieñkhlam ka Seinraij Jowai.

U CM ula kular ban pynioh tulop iaki nongtrei ka konsil shuwa ka Behdieñkhlam, katta 11 tarik Naitung hadien ka jingwan iakynduh ka Executive Committee kaba ialam u Thombor Shiwat kum u CEM haka 8 tarik u Naitung ha kamra treikam jong u.

Hadien ba ki nongtrei ka konsil kim shym la ioh iaka tulop, u president ka JHADC Staff Association u Ma Johnson Pohrmen ula pyllait iaka khubor bad kynnoh ba shukor u CM bad um shym la bat iaka kular ban pyllait iaka bhah pisa jong ka konsil kumba T.30 klur hashwa ka Behdeiñkhlam.

U Ma Johnson, ula ong halor kane ka khubor kaba la pynmih haka 14 tarik Naitung halor ka jingong “shukor u Chief Minister iaka JHADC” “Kane kala pynlong ia nga u president ban kren halor kitei ki kyntien namar ba ki staff kila kren pyrshah ia nga halor ka jingbympoi ka pisa haka 11-7-22 kumba la kular ka sorkar. Na ka daw ngam tip ba ka pisa ka rung haka account jong ka council haka 14-7-22,” la ong u ma Johnson.

“Nga la kren pyrshah iaka sorkar, ia kane nga la kren da ka jingsngewthuh jingmut bad ki staff association jong ka office, te halor kane nga pan map na u CM ba donburom bad iaka sorkar kumjuh,” la ong u Johnson bad ula bynrap “ia kane nga la kren ym da ka jingtip jong ka EC ka JHADC.”