Pan map u Sniawbhalang naka NESO ba pynlong final 2nd Sniawbhalang Football Tournament haka bandh
JOWAI: U Ma Sniawbhalang Dhar ula pan map naka North East Student’s Organisation (NESO) namar ba la pynlong iaka phainal football ‘2nd Sniawbhalang Football Tournament’ haka sngi bandh ne ka kynta pakhang shnong jong ka NESO haka jingïakhun final kaba long ha Mini Stadium Wahiajer haka sngi ba Ar.
Ula ong ba kim lah ban pynkynriah iaka tarik ïalehkai namar ba la pynbeit bad buh tarik ka ka tournament committee ïaka sngi final. Ka Wahiajer SC kaba dei ka shnong u ma Sniawbhalang kala long ka lahduh hadien ba kala jop da 6-1 kol ïaka Umladang ka lahduh ba ar kaba dei ka shnong u CEM JHADC.
![](https://www.syllad.com/wp-content/uploads/2024/09/JIT-Vacancy-823x1024.avif)
Ïa kine ki 6 kol jong ka Wahiajer la thep da u Pynkhreh Talang (25) bad u Heimon Dkhar (29, 46, 55,61) bad u Eborlang Jat (75). Shikol ka Umladang kala thep da u Romiuis Ryngkhlem (42).
Ïa ka nam Best Player la ïoh rah da u Wadajied Kynsai Ryngkhlem, Best Goalkeeper la ïoh da u Lasten Laloo bad ïa ka nam Top Scorer la ïoh rah da u Heimonmi Dkhar baroh lai ngut ki pleïar ki dei naka Wahïajer SC.
ka Wahiajer ka lahduh kala ioh rah ka song pisa T.3 lak bad ka Umladang T.1 lak
U Ma Sniawbhalang Dhar ula iathuh ba 60 tylli ki shnong kiba hap haka Nartiang Constituency kila shimbynta ha kane lympung bad 1500 ngut ki pleïar kiba la ïashimbynta. Baroh ka jinglut jingsep ban pynlong ïa kane ka lympung ïalehkai ula pynlut T.35 lak.
U Conrad Sangma uba la wan sakhi ïa kane ka final kum u kongsan haka jingiadonlang Dy CM u Bah Prestone Tyngsong, ki Myntri Sorkar u Kyrmen Shylla, u Samlin Malngiang, u Dy Speaker TD Shira bad kiwei kiwei ki MLA bad MDC. Ïaka jingïalang la pynïaid da u CEM JHADC u ma Thombor Shiwat.
U Conrad K Sangma ula ong “U ma Sniawbhalang u dei u briew u ba treishitom bha naka bynta ban wanrah ïaka roi ka par jong ka thaiñ Nartiang. Kiwei ki MLA ki dei ban bud ka nuksa u ma Sniawbhalang ban pynlong ia kum kane ki lympung ialehkai football ban pynshlur ïaki samla ban ïalehkai.”
Leave a Reply