Panmap ka NHAI na ka Meghalaya High Court ba ai da ki juh ki dur maramot surok NH-6

Syllad | The Rising MeghalayaFebruary 8, 2024

Ka National Highway Authority of India (NHAI) kala hap ban pan map na ka iingbishar High Court Meghalaya ba ai da ki juh ki dur ban pyni iaka jingmaramot surok Jowai Ratacherra haka surok bah NH 6.

Ia kane ka jingpanmap la pan da u nongsaid ain S. Sengupta uba mihkhmat iaka NHAI haba shimbishar iaka muktduma PIL No. 11 of 2022 kaba la ujor da u Kynjaimon Amse pyrshah iaka NHAI bad kiwei kiwei haka 8 tarik Rymphang 2023.

U ma Amse ula ai da ki dur kiba shong dangshen, kiba pyni iaka jingsniew tasam ka surok haba jubab iaka kaiphod kaba la phah da ka NHAI. U Amse u bsuh lang iaki dur ki dar kiba ula shong haka 26.01.2024 ha ka surok bah NH-6 ha Sonapyrdi, kiba bynta ka Sonapur Tunnel, Kuliang, Pyrtakuna, Dona Umbluh bad Ratacherra-Malidor kaba ha ha khappud Assam.

Ka iingbishar kala pynpaw iaka jingsngewkhia kaba jur halor ka jinglong jingman ka surok bad ki don ki bynta kiba ym long iaid kali ha Kuliang, Pyrtakuna bad ka dur ka jingkieng kaba um shngain shuh tang ban iaid kali.

U nongsaid ain ka NHAI ruh ula ruh ula ai iaka report Dated 6.02.2024 kaba la soi da u Project Director kaba la bsuh lang iaka report 5.02.2024 ha kaba iadei bad ka surok bah Jowai Ratacherra kaba pyni iaki dur ki dar ba ka jingshna surok ka dang iaid.

Ka iing bishar kala lap ba ki don ki juh ki dur kiba la ai haka report kaba kham hashuwa kata haka 11.12.2023

Ka iing bishar kala kynthoh iaka jinglong khaler ka NHAI bad ka jingbymshikhia ha kaba iadei bad ka mukotduma PIL. Kumta u nongsaid aiñ ka NHAI ula hap ban panmap bad ka iing bishar kala bthah ia u Sengupta ban phah da report kaba bniah bad kaba thymmai ha kaba iadei bad ka jingujor u nongujor.

Ka iing bishar kala hukum iaka NHAI ban maramot mar mar iaka surok bad ban pyndep katba lah kloi.