Pat don jingthmu ka Sorkar ban kyntiew kyrdan ia ka Mawryngkneng sha ka Civil Sub-Division

Syllad | The Rising MeghalayaMarch 11, 2025

U Symbud Myntri Rangbah ka Jylla uba khmih ia ka Tnad Home (Police), u Bah Prestone Tynsong haka 10 tarik Lber u la ong ba ka sorkar kam pat shym la don satia kano kano ka jingthmu ban kyntiew kyrdan ia ka Mawryngkneng Community & Rural Development Block sha ka Civil Sub-Division.

Watla katta u Bah Prestone u la kular ba ka sorkar kan shong bishar bniah ia ka jingtyrwa, kata haba jubab ia ka jingkylli ba la wanrah da u MLA ka Voice of the People Party (VPP) na Mawryngkneng u Bah Heaving Stone Kharpran.

Na ka liang u Bah Kharpran u la kyrpad ia ka sorkar ba kan ai ka jingmynjur na ka bynta ban kyntiew kyrdan noh ia ka Mawryngkneng C&RD Block sha ka Civil Sub-Division.