Paw biang ki thliew ha Jowai Bypass hadien ba maramot

Syllad | The Rising MeghalayaJune 12, 2023

Ka jingkyrkieh ne ka jingtorti, hynrei iaka daw u tip khambha u kontraktor bad ka tnad PWD Roads central division kaba hap hapoh ka jingpeit jong ka ban maramot iaka surok Jowai Bypass na Thadlaskein haduh Mihmyntdu.

Kane ka surok ka jngai tang 8 Kilometre. Ka kiar iaka Jowai na Thadlaskein, Mukhla bad mih sha Mihmyntdu (Soomer).

Kane ka surok ka dei ka surok kaba iaid da ki spah spah tylli ki trok haka shisngi, pynban la lap ba ka jingmaramot ia kane ka surok la leh kyrkieh bad wat hapdeng u slap ka jingpyntrei iaka surok ka iaid beit shakhmat.

Na kaliang u nongialam ka HANM Shaniahlang Suchen, ula kynnoh ba ka jingpyntrei ia kane ka surok kadei kaba torti shaba palat bad ka sorkar bad ka tnad PWD ka dei ban phah siang biang iaka surok ha u contract ba pyntrei iaka namar la lap tang hadien katto katne sngi ki don bun ki bynta jong ka surok kala khoh biang.