Paw ka sap ki khynnah skul ban ialehkai Badminton ha Eastern West Khasi Hills District
ka lympung ialehkai Badminton kaba pyniaid da ka Eastern West Khasi Hills District Badminton Association (EWKHD) kaba tip kum ka “4th Eastern West Khasi Hills District Open Cum Inter School Badminton Tournament 2024,” la pynhap pyrda noh ha ka 19 tarik Naitung.
Kane ka lympung kaba saw sngi lynter, kata 16-19 Naitung kala lah ban sei ia shibun ki sap ki phong kiba rieh kiba la sei da ki khynnah skul bapher bapher, khamtam haka kyrdan Junior (U-13) bad kane kala ai bor ai mynsiem iaka synjuk ialehkai ban ithuh khynnah kiba don iaka sap ialehkai.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha kane ka kynti la wan ban iashim bynta shitrhem da ki khyndai tylli ki skul kiba hap hapoh ka thain EWKHD.
Ia ka nam lahduh ha ka liang ki shynrang la ioh rah da ka Mairang Press Accademy Sec School lyngba u samla Mewanlamkupar Marbaniang bad u samla Jopshwa L Mawnai, katba ha ka liang ki kynthei ka Khatsawphra Higher Sec School ka la ioh ban rah ia ka nam lahduh lyngba ka samla Caitlyne Basaiawmoit, ka samla Adorene Wankadahun Basaiawmoit bad ka samla Doreen Ryntathiang.
Ha ka kyrdan jong ki kynthei kiba hapoh 13 snem (singles) ka samla Freeza Nongrum ka la ioh rah ia ka nam lahduh bad ha (doubles) ka samla Freeza Nongrum bad ka samla Baphindari L Kynshi ki la long ki nongjop. Katba ha ka kyrdan jong kiba 13 snem hapoh (singles) hapdeng ki shynrang kiba la ioh rah ia ka nam lahduh ki long u Ambanshanhame Basaiawmoit, katba ha ka (doubles) la ioh rah da u Venial Mardon Kharjana bad u Mewanbhalang Pathaw.
Ha ka kyrdan jong kiba 16 snem hapoh (Singles) ka Iranylla kum ka lahduh, katba ha ka (doubles) ka samla Ibanylla Thabah bad ka Ibapyntngen Warjri kum ki lahduh.
Katba ha ka liang ki shynrang ha ka kyrdan 16 snem hapoh u Felza Osbert Nongrang u la long u lahduh bad ha ka (doubles) u samla Felix Osbert Nongrang bad u samla Lamjingshai Pathaw kum ki lahduh.
Nalor kata ha ka kyrdan jong ki kynthei kiba 19 snem hapoh ka samla Talycine Basaiawmoit ka la ioh rah ia ka nam ladhuh da u samla Menanlamkupar Marbaniang kum u lahduh ha ka U19 (singles).
Ha ka U19 boys (doubles) u samla Menanlamkupar Marbaniang bad u samla Bananlang L Mawnai ki la long ki lahduh, katba ha ka kyrdan ki senior u samla Mehanlamkupar Marbaniang u la long u lahduh, katba ha ka (doubles) u samla Pynskhembor Kharsyiem bad u samla Benert Wanphang L Mawlong kum ki lahduh.
![](https://www.syllad.com/wp-content/uploads/2024/07/Badminton-EWKHD-jpg.avif)
Katba ha ka liang ki kynthei ka samla Nangjaiphira Wahlang bad ka samla Deisicresha Marbaniang kum ki lahduh bad ha ka mixed doubles u samla Menanlamkupar Marbaniang bad ka Samla Deisicresha Marbaniang kum ki lahduh bad kiwei kiwei.
Shuh shuh ha katei ka sngi pynkut ia katei ka lympung la wan ban sakhi da ka Kong Balarina Syiem kum ka kongsan kaba dei ruh ka District Sports Officer West Khasi Hills District lem bad ki nongialam bad ki nongkit kam jong ka Eastern West Khasi Hills District Badminton Association, ki kynrem ki lyndan, ki nonghikai, ki khynnah skul, ki nongiashim bynta bad kiwei kiwei.
Leave a Reply