Paw ki dak ki shin ba trei torti iaka surok Amlarem Pdengshakap Muktapur

Syllad | The Rising MeghalayaNovember 21, 2023

Tang hapoh shibnai bala dep siang iaka surok Amlarem Pdengshakap bad Muktapur la paw ki dak ki shin ba ym shym la trei bha iaka ha kaba tang da ka kti la lah ban pied iaka rong.

Kane ka surok ka don iaka jingjngai kaba 14 .60 Km bad la pyntrei iaka lyngba ka skim Central Road Infrastructure Fund (CRIF) haka jinglut kaba T.22.12 klur.

Ki dur ki dar ba la saphriang sha ki social media, la sakhi ba tang da ka kti la lah ban pied iaka rong ha ki katto katne ki bynta jong ka surok. La don ruh ki bynta jong ka surok kiba la khoh bad paw ki thliew ki syar.

Katkum ka skim, ka jingshna iaka surok Amlarem Pdengshakap Muktapur ka kynthup iaka jingpynheh iaka surok, ka jingsiang rong ban pynjyllih iaka jingiaid kali bad ka jingshna iaki jingkieng kiba heh bad kiba rit.