Pdiang burom ka WJBA iaki khlur ialehkai Boxing ba khur takma na North East Olympic Games

Syllad | The Rising MeghalayaNovember 19, 2022

Ka West Jaintia Boxing Association haka Saitjain kala pdiang burom ia ki khlur ialehkai boxing ka District kiba la wanrah nam burom iaka district bad ka Jylla baroh kawei hadien ba kila ioh khur takma na ka North East Olympic Games.

Kine ki khlur ia kura ki dei u Bandonkupar Synnah na Ladthadlaboh uba la khur takma ksiar haka kyrdan 57-60 kg, u Bhalang Shadap na ka shnong Narwan uba la khur takma ksiar ha ka kyrdan 63.5-67 kg bad u u Baiamutlang Sungoh na ka shnong Mynsoo A ha ka kyrdan 60-63.5 kg uba la ioh iaka takma rnong

Kane ka jingpdiang burom ia kine ki khlur ialehkai Boxing kala long kaba phuh ba phieng. Ka jingpdiang burom ia kine ki nongialehkai kala sdang na Thadlaskein. Hadien pat la iaid paidbah da ka kali haduh bala poi ha Ladthadlaboh, Jowai.

La lam khmat ia kane ka jingpdiang burom da u president WJDBA u Ma Wanbait Ksoo, u MDC Shangpung J. Treilang Suchiang, Chief Adviser ka WJBA, Rudolf E Laloo nalor kiwei kiwei.

Haba kren bad I Chief Adviser ka WJBA, Rudolf E Laloo u la ong ba ka District kam don jingduna ha ka talent jong ki nongialehkai boxing hynrei u ban ruh ba ka District ka don kam ia ka infrastructure ne ki jaka ialehkai katkum ka juk ba mynta. Ula ong shuh ba kim don ki jaka training kiba long paka, hynrei ula pynpaw iaka jingsngewnguh iaki nongialeh hapdeng ki jingduna kila lah ban ialehkai bha.

Ha kaba iadei bad ka jingpynkhreh iaka North East Olympics Game 2022 kaba dang shu kut, ki nongiakura boxing ki hap ban leit kilan sha Shillong, lada don training centre hapoh ka Disrtict jin baroh 4 ngut kila ban ioh khur takma, la ong u ma Laloo.