Pdiang ka UDP ia 4 ngut ki kyrtong ki ban mih ia aireng ha ka elekshon MDC na Shillong City

Syllad | The Rising MeghalayaDecember 8, 2024

Ka District Election Committee ka United Democratic Party (UDP) ha u kyrwoh ba la pyllait da u Secretary Bah Allantry Franklin Dkhar ha ka 7 tarik Nohprah ka pyntip ba ka la pdiang ia ka kyrteng jong ki 4 ngut ki kyrtong ki ban mih ia aireng ha kane ka elekshon MDC sha Khasi Hills Autonomous District Council (KHADC) na ki 4 tylli ki Constituency kiba don hapoh ka Nongbah Shillong.

Kine ki 4 ngut ki kyrtong ki kynthup ia u Bah Mitchel Wankhar na Laban Mawprem, u Bah Auguster Jyrwa na Jaiaw, u MDC barim u Bah James Ban Basaiawmoit na Mawkhar Pynthorumkhrah bad u Bah Desmond K L Mawlong na Nongthymmai Constituency.

Elekshon MDC: Pynbna ka NPP iaki 18 ngut ki kyrtong sha ka KHADC bad 20 sha JHADC

Ka District Election Committee ka pyntip ruh ba kan sa phah ia kitei ki 4 tylli ki kyrteng sha ka State Election Committee jong ka UDP.

Pynbna ka VPP sa hynniew ngut ki kyrtong iakhun MDC kynthup ka khun u Bindo Lanong