Pdiang sngewbha ka WJSU iaka committee ba thaw ka sorkar ban iada iaki jingjia ha khappud

Syllad | The Rising MeghalayaFebruary 14, 2024

Ka seng War Jaintia Students’ Union (WJSU) Amlarem iaka rai ka sorkar ban thaw iaka standing coordination committee ban iada iaki jingjia ha khappud India Bangladesh.

Ha kawei pat ka liang WJSU kala pynpaw ba kam sngew iahap ba kum kitei ki committee kin don ha ki Subdivisional level namar kane kan nym wanrah ia ka jingiasngewjan hapdeng ki shipai iada khappud bad ki nongshong shnong ba don ha ki khappud.

Ka WJSU katkum ka jingthoh ba la ai, haba ki iakynduh ia u Assistant Commandant ki BSF, Muktapur, Dated 12th February 2024 bad copy ha sha u Subdivisional Officer, Amlarem Civil Subdivision, Amlarem, ka seng ka kwah bad thrang ba ha man ki Asstt Commandant level kin don kum kine ki committee hapdeng ki Border Security Force bad ki Rangbah shnong khappud hapoh ka jaka ba peit u Asstt commandant.

Ka WJSU kala ong ba shen kan iakynduh ia u Symbud Myntri Rangbah ba dei khmih iaka tnad kam pohiing, Bah Prestone Tynsong ba pynsngew bad ban ai jingmut iaka sorkar. Kala pynsngew ruh ba ka jingshna ne thaw ha ka committee kan nym wanrah ia ka jingia sngewjan hapdeng ki shipai iada khappud bad ki paidbah nongshong shnong ha ki thain khappud baroh kawei.