Pdiang u CM Conrad iaka lama IOA na u Amit Shah ban pynlong iaka 39th National Games 2027

Syllad | The Rising MeghalayaFebruary 15, 2025

Ka jingangnud jong ka jylla kala wan ban urlong noh ha kaba u Myntri ka tnad kam  kam pohiing ka Sorkar Pdeng u Amit Shah ula aiti iaka lama jong ka  Indian Olympic Association (IOA) ha u Conrad K Sangma na ka bynta ban pdiang ban pynlong iaka lympung ialehkai sport ba heh tam ka ri, ka 39th National Games ha u snem 2027

La sakhi lang da ka chairperson ka IOA ka P.T.Usha, ryngkat ka jingiadonlang u Union Minister for Youth Affairs and Sports, Dr. Mansukh Mandaviya, bad u  Chief Minister ka Uttarakhand Pushkar Singh Dhami. 

Da kane ka jingpdiang u Myntri Rangbah iaka lama ka IOA ka sakhi ia katta ka jingia aiti bad diangti naka bynta ka jingpynlong pat ia ka 39th national games ha u snem 2027, ka snem ba kum ka jylla kan rakhe ia ka jingdap ba 55 snem ka jingioh ia la ka jyllakaba pura.

Ha kane ka sngi kaba dei artad ka sngi ban pynkut iaka 38th National Games ha Uttarakhand nalor u Conrad K Sangma la iadonlang ruh u commissioner & secretary sports & youth affairs  u Dr Vijay Kumar |D (IAS), lem ki nongialehkai bad ki coach jong ka jylla.

Haba kren ha kane ka sngi, u Myntri Rangbah ka Jylla u Shri Conrad K Sangma u la ong, “Ka jingpynlong ïa ka National Games kaba 39 kan long ka jingsngew sarong ïa ka Meghalaya bad ka jingpynpaw haduh katno ngi la poi ha kaba pynkhlain ha kaba iadei bad ka kam ialehkai. Ngi la theh pisa T. 1,200 klur ha ki jaka ïalehkai, ngi la hikai pyntbit palat 24,500 ngut ki nongïalehkai, bad ngi la buh ïa ka thong ban pynmih ïa ki nongïalehkai Olympic ha u snem 2032.”

Ka jingrai kut ka jylla ban kyntiew iaki kam tei jingtei haka sports kala long kaba jop da kaba jingjop kaba dang shen ha ka 38th National Games, ha kaba ki nongïalehkai ka Meghalaya ki la ïoh khur san tylli ki takma—kaba long ka sakhi ba la kiew ka jylla haka jingialehkai sports.

Ka National Games kaba 39 ha Meghalaya ka kular ban long ka jingrakhe haka kam ialehkai,  jingïatylli, bad ka jingtbit, kaba wanrah lang ïa ki sap ba tbit tam na kylleng ka ri. Katba dang sdang ka jingiaid lynti u snem 2027, ka Meghalaya ka la pynkhreh ban thaw ïa ka histori bad ban buh ïa ki nongrim ba thymmai ha ka liang ka jingïalehkai ha India.