Pdiang u Lamphang ka iingdorbar ia ka shithi iehnoh kam u Saleng kum u MLA

Syllad | The Rising MeghalayaJune 12, 2024

U Lamphang ka iingdorbar thaw ain ka Jylla u Thomas A Sangma ha ka 11 tarik mynta u bnai u la pdiang ia ka shithi iehnoh kam jong u Saleng A Sangma MLA ka Gambegre kum u dkhot ka iingdorbar thaw ain ka Jylla.

U Saleng u la leit ban aiti ia ka shithi iehnoh kam kum u MLA ha ka 10 tarik Jylliew hadien ba u la ioh ia ka jingjop ha kane ka ilekshon Lok Sabha kaba dang shu dep shen bad ban shimti kum u MP bathymmai ka Tura constituency.

U Saleng u la lah ban pynrem noh ia ka MP barim ka Tura ka Agatha K Sangma kaba dei ruh ka para jong u Myntri Rangbah ka Jylla u Conrad A Sangma da kaba tam haduh kumba 1.55 lak vote.