Peace rally ha Jowai lashai ka sngi ban pynrem ia u ‘I Love You’ bad kiwei ki suba pyniap briew, khot iashimbynta ka SWSRJ ia baroh ki waheh shnong

Syllad | The Rising MeghalayaAugust 31, 2022

Ka Synjuk Waheh Shnong Ri Jaintia kala rai ban iashimbynta haka peace rally ka ban long lashai ka sngi 1 tarik Nailur ban pynrem iaka runar thrang snam kiba la pyniap dusmon iaki ar ngut ki nongniah kali kamai ha Rilum Jaintia.

Kine ki ar ngut ki nongniah kali kiba shah pyniap ki kynthup Damehipaia Papeng uba niah taksi kamai na Jowai sha Ladrymbai bad u Fullmoon Kharsahnoh uba kamai Jowai-Shillong.

Halor kane ka jingjia shah pyniap kine ki ar ngut ki nongniah kali ki pulit kila iohkem ia u I Love You Talang, Ramesh Dkhar, Tellme bad khot sin Bor Pyrtuh bad u Sampher Ksoo.

Ka Synjuk Waheh Shnong Ri Jaintia kala shim iaka rai ban iashimbynta haka peace rally hadien ka jingial;ang kyrkieh kaba long haka sngi Balang ha ophis treikam ka Synjuk Waheh Shnong Ri Jaintia ha Lumpyrtuh Mihmyntdu.

Ha kane meeting la shim da kawei ka jingmut, la rai lang ban kyrshan ia ka shithi ba la ai da ka All Jaintia Commercial Vehicle Association (AJCVA) ban kyrshanlang haka peace rally halor ka jngshah pyniap jong ki ar ngut ki nongniah kali kamai.

Kane ka rally kan sdang Iawmusiang haka por 11.00 Am haduh Lad College.

Ka Synjuk kala kyntu ia baroh ki Waheh Shnong ban sngewbha ban wan ha kane rally khlem pep. La kyrpad ia ki President Secretary unit bad ki Circle ban sam iaka jingtip sha baroh ki waheh shnong ha ki jong ki unit. Ki ban wan sha kane ka meeting phone ha u President lane Secretary ka synjuk.