Peit iaka jingshngain ki nongwan kai ha Sahksaw bad kshaid Rynji ong ka HYC

Syllad | The Rising MeghalayaJanuary 30, 2021

Ka Hynniewtrep Youth Council (HYC), East Jaintia Circle kala kyntu iaki bor pyniaid ka tourist sport ha Sahksaw bad Rynji ban peit iaka jingshngain ki nongwan kai suwari namar bun ki jaka kiba along synrang bad kiba lah ban wanrah iaki jingjia ba sngewsih.

“Ka Sahksaw bad ka Rynji kiba don ha East Jaintia Hills mynta kila khring bha iaki nongwan jngohkai, hynrei ki don bun ki jingduna ha kaba iadei ka jingshngain ka leit ka wan ki nongwan jngohkai. Ngi kyntu iaka nongpyniaid ia kine ki jaka ne tourists Spot ban buh ne waah iaki kynja jingmana ba ki nongleit nongwan kin husiar haki jaka ba ma,” la ong u Michal Chyrmang vice president ka HYC East Jaintia Circle.

“Ngi la sakhi ba ki nongwan jngohkai ki shait shong kai ha khlieh ka kshaid Rynji bad kane ka buh jingma ia ka jingim ki nongwan jngoh kai sha kitei ki jaka bad la kyntu iaki volunteers bala buh daki nongpyniaid ban peit bha iaka jingshngain ki nongwan jngoh kai ban lait na ki jingjia ba sngewsih,” ula ong shuh shuh une u nongialam ka HYC.

Ha Sahksaw la kyntu iaki bor pyniaid ban khang iaka jingiaid bun bung ngut haka jingkieng doi doi kaba dang shu dep shna ban shngain u paidbah ba iaid ba ieng.