Phah ka tnad pule puthi ban pynpoi iaki kyrteng ki khynnah bym ioh admission ha Jowai

Syllad | The Rising MeghalayaOctober 8, 2021

Ka ophis jong u Joint Director School Education and Literacy, Jowai kala bthah iaki khynnah pule ki bym pat ioh admission ban pynpoi iaki kyrteng jong ki ha ka ophis treikam jong u.

U Joint Director ma LS Lyngdoh ula bthah ban pynpoi kyrteng hadien ba ki nongialam ka Jaintia Youth Federation (JYF) bad ki katto katne ki khynnah pule kiba pass SSLC bad HSSLC ki leit sha ka ophis jong u ha Jowai hadien bala kut ka jingai por ka JYF ban pynrung klas ia kiba duh admission ban pule haki skul bad kolej sorkar.

U Joint Director haba kren bad ki nongialam ka JYF naduh OL Tariang, John Pala bad kiwei kiwei ula iathuh ba ka sorkar kala shimkihia ban pynioh admission ia ki khynnah kiba bym ioh admission ha Jowai.

Ka JYF hadien ka jingwan iakynduh ia u Joint Director kala kyntu ia ki khynnah pule ban pynpoi iaki kyrteng jong haka ophis treikam ka JYF haka 11 tarik une u bnai.

U president jong ka JYF u OL Tariang ula ong ba ka sorkar ka dei ban shimkhia ban pynthikna ba baroh ki khynnah ki dei ban ioh admission ban bteng iaka jingpule jong ki.