Phah Khang ka EJNC iaki dukan ha Mynthning

Syllad | The Rising MeghalayaMarch 31, 2020

Hadien ba u Myntri Rangbah ula pynbna iaka lockdown ba 21 sngi naka bynta ban iada iaki nongshong shnong ka Ri India, naka jingma jong u COVID-19, nakaliang ki Dorbar Shnong bapher bapher jong ka Elaka Sumer, East Jaintia Hills District kila pyrta shnong ban kyntu iaki nongdie dukan ban khang khyrdep iaki dukan kumba la phah daka Sorkar hynrei ka EJNC kala lap ba ki dang don kiba plie dukan ha katei ka thain.

Ka EJNC kala lap haduh 30 tylli eiei ki dukan kiba plie hapoh ka Shnong Mynthning bad la phah khang iaki khnang ban iada na ka jingiakhleh bad lum paidbah ban iada ialade na ka jingiabit u khniang jingpang COVID-19.

Ka EJNC-Sumer Circle hapoh ka jingialam jong u Sakilan Chyrmang, President ka Circle kiba la hiar sha katei ka thain kila pynsngewthuh ruh ia kitei ki trai dukan iaka jingma jong u COVID-19.

La kyntu iaki baroh ban bud ryntih iaki jingbthah jong ka sorkar lyngba ka tnad ka koit ka khiah.

Ha kawei kaliang ka EJNC – SC, ka kyntu iaki nongshong shnong jong ka Elaka Sumer ban ai jingiatreilang bad ka Sorkar ha kane ka khyllipmat bad ban long kiba iaishah naka bynta ban iada ialade na u COVID-19-