Phah khang ka KSU iaka Abhi Coke

Syllad | The Rising MeghalayaJuly 22, 2023

Ka KSU Wapung Unit ha ka sngi Thohdieng lyngba ka Environment Cell kala ai iaka dorkhat ha u Deputy Commissioner, East Jaintia Hills ban dawa khang khyrdep iaka karkhana sain rnga dewiong (coke factory) kaba don ha surok bah NH6 hajan ka Ladrymbai.

Kane ka karkhana ka dei M/s Abhi Coke ka ba don ha Mookhep, hajan ka Ladrymbai.

Ka KSU Wapung kala leit ai ia kane ka dorkhat haka jingialam da u Hamieh Dkhar haka jingiadonlang u Shwari Ryngkhlem, Hamewanpynhun Ryngkhlem bad u Senmon Siangshai.

Kila kyrpad ia DC ban khang ia kane ka Coke Factory namar bala tei beaiñ khlem da bud ia ki kyndon katkum ka Meghalaya State Pollution Control Board (MSPCB) kaba ong ba lah ban tei ia ki coke factory ha ka jing jngai kaba 1Km na jaka shong ki paidbah lane ki Skul ki jaka paidbah bad hospital.

Ka KSU kala kam ba ka Abhi coke ka jngai na 1 Km na National Highway 6 bad ka shnong Mokhep, Ladrymbai bad na kawei ka skul kaba ka Good Shepherd Secondary School kaba don ha Ladrymbai.

Ka jingpynmih tdem jakhlia bad ba sma iwtung na kane ka coke factory ka ktah ia ka koit ka khiah ki paidbah ba iaid ba ieng bad ki nongshong shnong kiba don marjan bad kane ka Coke Factory, la ong ka KSU.

Ka KSU kala ong ba na kaliang u DC u la kular ban iakren bad kiba halor lane sha ka Meghalaya State Pollution Control Board ban leh katkum ki kyndon ain.