Phah khubor sngewlem ka JSU sha kiba ha iing u Bah HS Shylla

Syllad | The Rising MeghalayaAugust 7, 2020

Ka JSU Central Body ka la pynpaw ia ka jingsngewsih shikatdei eh halor ka jingkhlad kyndit u Bah HS Shylla.

Ka JSU kala pynpaw ba ka jingkhlad syndet jong U Bah Shylla ka long ka jingduh nong kaba khraw ia ka ri bad ka jaidbynriew jong ngi bad ka long kaba eh ban sei kum une u khraw pyrkhat.

Kum u Myntri sorkar barim ka Sorkar Meghalaya u la sei madan ia ka bam sap haka kam ration card ha ki snem 1992.

U Bah HS Shylla ula long ruh kum u Deputy Speaker jong ka Meghalaya Assembly bad u CEM barim jong ka KHADC bad haduh ka jingkhlad jong u bat ia kum u Chairman Sur U Paidbah Hynniewtrep ne ka SUPH kaba ula suit la shor ban pynsngew sha ka Sorkar halor ka jingeh jong ki paidbah ki iakynduh hadien ka jingpynjari ia ka National Lockdown ban iakhun pyrshah ia ka jingpang COVID-19.

“Ka jingnoh synniang une u rangbah kalong shisha ka jingkyrkhu ia ka ri ka muluk jong ngi. Ka seng ka phah ia ka khubor sngewlem sha kiba ha ïing ha sem bad ng ngeitskhem ba u Blei un pyntngen bad un aibor ia ka ïing jong u Bah Shylla,” ong u kyrwoh bala phah da u Publicity Secretary JSU u Tricky Mukhim.