Phah khubor sngewlem ka KSUP halor ka jingkhlad u Ma Obil Kyndait

Syllad | The Rising MeghalayaJuly 16, 2021

Ha i Kong Wanbha Shylla, bad ki khun ki ksiew i Ma. Obil Kyndait, ngi na ka liang Ka Sur U Paitbah East Jaiñtia Hills, ngi phah ia kane ka khubor sngewlem sha phi i kurim, ki khun ki ba ha iing baroh jong i Ma Obil Kyndait ( bam kwai ha dwar u blei). Ka long shisha ka jingduh kaba khraw ym tang ia ka iing ka sem, hynrei ka jingduh kaba khraw ia ka thaiñ Tuber, bad kumjuh ia ka thaiñ East Jaiñtia Hills hi baroh kawei, namar i la long kum u wei na ki MLA barim u Nongmihkhmat sha ka iing dorbar thaw aiñ jong ka jylla, bad kumjuh kum u Nongmihkhmat sha ka iing dorbar jong ka Jaiñtia Hills Autonomous District Council(JHADC).

Ha kum kane ka por ngi na Ka Sur U Paitbah EJH, ngi pynpaw ka jingsngewlem bad ka jingsngewsih ka jong ngi halor ka jingduh jong ngi ia kum une u rangbah uba long ka nuksa babha ia ki longdien jong ka thaiñ Tuber bad ka East Jaiñtia Hills District hi baroh kawei.

Khlad U Ma Obil Kyndait Chairman barim JHADC bad MLA barim ka Rymbai

Ha kaba kum kane ka khyllipmat ngim don kyntien da kum wei pat, namar u Kynrad nongthaw u tip kham bha halor kiei kiei baroh, hynrei ngin buh ha ryngkat ha ki jingduwai ba u Trai kynrad un pyntngen, ban sop ban spaiñ pat ia ki jing pangnud kum ka iing kaba ia kynduh kum kine ki jingjia. Un pyndap iaka jaka ba thylli, ha kum kane ka por ba u lyoh ba dum u wan kah iaka iing ka sem jong phi.

Na U Advocate. Shitmon Pdang
Secretary General | Ka Sur U Paitbah | East Jaiñtia Hills District