Phah pom u MLA Jowai ïaki dieng ba buh jingma hadien ka jingiap uwei ha Jowai
U MLA Jowai Wailadmiki Shylla hadien ka jingjia hap tnad dieng kaba la wanrah iaka jingiap uwei u shipai Home Guard ula phah pom ia baroh ki dieng kiba buh jingma ha Jowai haka sngi Palei.
Une u shipai Home Guard, uba iarap pyniaid kali iaka Jowai Traffic Police u dei u Primel Bamon ula khlad haka step sngi Palei hadien baka tnad dieng kala hap ha tnum ïing kaba don ha quarter ka ka tnad PWD Ladthadlaboh.
La iathuh ba ka tnad dieng kala sam lyngba ka tnum haka jaka thiah jong u Primel bad kala ioh ngat haka shadem jong u haduh ba ula khlad ha kajuh ka jaka.
Pule | Iap uwei ba lyngshop ka bor mariang ha Jowai
Shuh shuh u ma Wailadmiki ula ong ba ula iakren bad u District Forest Officer (T) bad la bthah ia u ban pom ia baroh ki dieng kiba la heh la san bha bad khamtam kiba lah ban buh jingma iaki briew. Ula kyntu ruh iaki paidbah ban long kiba phikir bad lada don kino kino kiba dieng kiba ki iohi ba ki lah ban buh jingma iaki briew ki dei ban pyntip sha ka ophis u DFO bad sha u ban leh ia kaba donkam.
U MLA ula phah ruh iaka khubor sngewlem sha kiba haïing hasem u Primel ha kum ka kane ka por ba wan kah u lyoh ba dum.
Facebook
Instagram
Youtube
Twitter
Leave a Reply