Phah pynkynriah iaki trok ba sah miet ha surok bah Amlarem Dawki

Syllad | The Rising MeghalayaOctober 30, 2021

Ka Synjuk ki Waheh Shnong War Jaintia kala dawa na u SDO Civil Amlarem Sub Division ban pynkynriah iaki trok kiba ieng lain ha surok bah na Tamabil Bakur haduh Amlarem bad bad na Tamabil Bakur haduh Dawki ba jur ka jingdheng kali kaba la ktah iaka iaid ka ieng u paidbah.

“Kine ki trok kiba la ieng haka por mynmiet haki bynta ka surok bah kala wanrah iaka jingdheng kali kaba jur bad ktah iaka iaid ka ieng u paidbah khamtam iaki khynnah school kiba don exam bad ki briew kiba pang kiba shitom bad khamtam ki kynthei kiba ar met. Nalor kata ka ktah ruh iaki paid nongrep khamtam kum ha kine ki por ba ki nongrep ki hap ban leit die ia u kwai u soh bad ki jhur ha iew ha hat,” la ong u Daniel Khongsit president. Synjuk Waheh Shnong War Jaintia

Ula ong ba ka jingieng sahmiet ki Truck ha surok bah ka ktah ruh iaka khuid ka suba jong ka thain namar ki driver ki hap ban leit painkhana kat sha ba lap ba shem. Ka Synjuk kala leit ai daka jingthoh haka 29 tarik Risaw 2021 sha u SDO Civil Amlarem bad u la kular ban shim khia ia kane ka jingeh ki paidbah ka thain.