Phah pynthymmai ka Raid Amwi Jarain iaki kot ki sla jaka puta

Syllad | The Rising MeghalayaFebruary 3, 2020

JOWAI: Ka Raid Amwi Jarain lyngba ka jingialang kaba la long ha ka 19^th Kyllalyngkot (January) 2020, ka la rai ba dei ban pynthymmai ia ki kot ki sla jong baroh kl jaka kl puta jong ka Raid ia kiba la sam na ka bynta ban shna ïing (Residential Purpose) sha ki khun ka Raid bad ruh ia ki jaka kiba la die sha ki bymdei ki khun ka Raid khnang ba ka jingpyniaid ia kine ki jaka kin long kiba iaid beit iaid ryntih.

Ka tarik ba khatduh ban pyndep ia kane ka kam ka dei 31^st Lber (March) 2020. Bad kino kino ki jaka ki bym pynthymmai iaki, ka Raid kan sam noh sha ki khun ki raiot ki bym pat ioh jaka nongrim ïing.

Kumta la kyrpad ia baroh kiba la don jaka nongrim ïing hapoh u pud u sam jong ka Raid ban pyndep ia kane ka kam da kaba ia kynduh ia U Lyngdoh Raid Amwi Jarain U Ma Ling Tariang lem bad ki kot ki sla ba la ioh mynshwa, hapoh katei ka por ha la buh.